SYED MOHAMMED NOORUDDIN SHAHI SOHARVARDI

SYED MOHAMMED NOORUDDIN SHAHI SOHARVARDI

(Urs :- 9, Shabanul Moazzam, Mazar :- Ahmedabad Sharif, Gujarat)

🔮POST NO.1🔮

🎴 MAKHDOOMUL AALAM, USTAZUL KUL, USTAZUL ASAATIZA, MUFTI E AAZAM E WAQT, HAZRAT SAYYEDNA MOHAMMAD NOORUDDIN SHAHI SOHARVARDI radiyallahu anhu. Aapki Viladat e Paak 10 Jamadiul Avval 1060 Hijri me hui. Aapka Mubarak Naam ‘MOHAMMAD NOORUDDIN’ radiyallahu anhu he.. Aapka Khitab ‘MAKHDOOMUL AALAM’ aur Laqab ‘USTAZUL KUL’ he.

🎴 Aapke Valid e Mohtaram ka Naam HAJIYUL HARMAIN HAZRAT SAYYEDNA SHAIKH SWALEH radiyallahu anhu he. Bachpan hi se Aap Paak Tinat Nek Khaslat the. Aur Aasare Buzurgi Aapki Peshani se Zahir the. Mash’hoor Kitab ‘Gulistane Sa’adi’ Aapne Apne Vaalid e Mohtaram se sirf 7 Din me Padh li thi. Aap Sirf 10 Saal ki Umr me Hafiz e Quran ho gae the.

🎴 Dusre Uloom o Funun ki Kitabe HAZRAT ALLAMA MOULANA AHMED BIN SULEMAN KURDI rehmatullah alayh se Padhi. Ilm e Qira’at va Tajvid aur Ilm e Hadis HAZRAT MOULANA SAYYED MOHAMMAD MEHBOOB AALAM BUKHARI radiyallahu anhu se Hasil kiya tha aur Inhi se Bait aur Khilafat ka Sharf Hasil tha.

🎴 HAZRAT SAYYED MEHBOOB AALAM radiyallahu anhu ne Aapko Tamam Silsilo ki Ijazat se Musharraf farmaya tha aur Ilme zahiri me bhi Aapko Yade Toola Hasil tha. Aap Apne Dour ke Be Nazir Aalim aur Mudarris the. Pure Gujarat me Aapka koi Nazir nahi tha. Aapke Ilm ka Galba sun kar Log Duro Nazdik se Jouk dar Jouk Aate aur Aapke Chashma e Ilm se Serab Hote the.

🎴 Aap 1143 Hijri ko Harmain Sharifain Tashrif le Gae aur Hajj ki Sa’adat Hasil ki. Aap Waha Harmain Sharifain ke Ulama va Shurfa se Mile.Haram Sharif ke Tamam Ulama ne Aapki Tazim o Touqir ki.

🎴 Aapne us waqt ke Baadshaho ka Atiya va Tohfa kabhi Qubul na Farmaya. Aur Ba Vajood Asbaabe Zahiri ke Aapne Sone aur Chandi ko kabhi Hath na Lagaya. 9 Shabanul Moazaam 1155 Hijri me Pir ke Din Dopaher ke Waqt Aapne Visal farmaya. Aapki Tarikhe Visal ka Maadah “VAARIS E AHLE BAIT” se Nikalta he.

🎴 Aapki Aulad e Paak me 5 Sahabzade aur 3 Sahabzadiya thi. Jinke Naam is Tarah he…

Sahabzade :-

1⃣ HAZRAT SAYYEDNA SHAIKH MOHAMMAD SWALEH

2⃣ HAZRAT MOULANA QAZI NIZAMUDDIN KHAN

3⃣ HAZRAT SHAIKH MEHMOOD

4⃣ HAZRAT SHAIKH FAKHRUDDIN

5⃣ HAZRAT SHAIKH BAHAUDDIN

(rehmatullahi alahim ajmain)

Sahabzadiya :-

1⃣ HAZRAT SAYYEDA HAMIDA BANOO

2⃣ HAZRAT SAYYEDA SAEEDA BANOO

3⃣ HAZRAT SAYYEDA AFIFAA BANOO

(rehmatullahi alyha)

🎴 Aapka Mazar e Poor Anvaar Ahmedabad me Astodia road Nagri Building ke Samne ek Mohalle me Jo Aaphi ke Madrase aur Khanqah ka Sahen he waha par he. sath hi Aapke Shehzade HAJIYUL HARMAIN HAZRAT SAYYEDNA MOHAMMAD QAZI NIZAMUDDIN rehmatullah alyh ka Mazar e Anvar bhi he.

📘(Hayate Shah e Aalam, Mehbube Zil Manan Tazkira e Aulia e Dakkan, Yaade Ayyam)
🔸🔹🔸🔹🔸🔹🔸🔹🔸🔹🔸