HAZRAT HAFIZ SAYYED MOHAMMAD USMAN MARVANDI SEHVANI AL MAROOF SAKHI LAAL SHAHBAAZ QALANDAR radiyallahu

HAZRAT HAFIZ SAYYED MOHAMMAD USMAN MARVANDI SEHVANI AL MAROOF SAKHI LAAL SHAHBAAZ QALANDAR radiyallahu anhu ki wiladat

(Urs :- 21, Shabanul Moazzam, Mazar :- Sehvan Sharif, Pakistan)

🎴 Aapke Vaalid e Majid HAZRAT SAYYED MOHAMMAD KABIRUDDIN AHMED SHAH Alayhirrehma ke yaha koi Aulad nahi hoti thi. Apni Nasl Qata’a ho jane ke Khayal se wo sakht Pareshan rehte the.

🎴 Chunanche ek martaba khwab me unhone AMIRUL MOMININ HAZRAT SAYYEDNA ALIYYE MURTAZA SHERE KHUDA radiyallahu anhu ko dekha aur arz kiya ke “AMIRUL MOMININ MOULA E KAAINAT radiyallahu anhu Aap mere Haq me Aulad ke liye Allah ta’ala se dua kijiye wo mujhe Farzand ataa farmae”

🎴 HAZRAT SAYYEDNA ALIYYE MURTAZA radiyallahu anhu ne Irshad farmaya “AHMED ! Allah Ta’ala tumko Beta ataa farmaega, Magar meri ek Baat yaad rakhna ke Jab Farzand Tavallud ho to uska Naam ‘MOHAMMAD USMAN’ rakhna”

🎴 “ aur jab wo 384 din ka ho jaae to Usko lekar Madina Munavvara Hazri dena aur HUZUR sallallahu alayhi va sallam ke Huzur Salaam ke Baad HAZRAT SAYYEDNA USMAN E GANI radiyallahu anhu ke Mazar par le jana aur Salaam arz karna.” Chunanche Vaalid sahab ne Hasbe Vasiyyat aisa hi kiya.

📕(Jahane Aulia)

🔸🔹🔸🔹🔸🔹🔸🔹🔸🔹🔸
SYED MOHAMMED LAL SHAHBAZ QALANDER KE VILADAT KI BASHARAT AAPKI VAALIDA KO :-

🎴 HAZRAT SAYYEDNA LAAL SHABAAZ QALANDAR radiyallahu anhu Jab Apni Vaalida Majida ke Shiqame Paak me the to ek Raat Aapki Vaalida Majida ko Khwab me HAZRAT SAYYEDA RAABIYA BASARIYA radiyallahu anha ki Ziyarat Nasib hui.

🎴 HAZRAT SAYYEDA RAABIYA BASARIYA radiyallahu anha ne Farmaya “Beti ! Tumhara ye Beta Allah ka Mehboob aur Barguzida Vali hoga. Allah iske Zariye Bahot se Gunehgaaro ko Touba ki Toufiq Ataa farmaega. Jab uski Viladat ho jaae to uske Kaan me Kalma e Tayyaba LAA ILAHA ILLALLAH MUHAMMADUR RASULULLAH Padhna aur mera Salaam kehna”

📗(Faizan e Usman Marvandi)

🔸🔹🔸🔹🔸🔹🔸🔹🔸🔹🔸

Hazrat Lal Shahebaz Qalandar ki khubsurati aur ilm

🎴 HAZRAT SAYYEDNA LAAL SHABAAZ QALANDAR radiyallahu anhu Saadat e Kiram ke Mazhabi Gharane se Ta’alluq rakhte the. Aapki Viladat e Ba Sa’adat Mash’hoor Qoul ke Mutabiq 538 hijri me Aazarbaaijan ke Qasba ‘Marvand’ me hui. Usi Munasibat ki vajah se Aapko ‘Marvandi’ kaha jata he.

🎴 Aapka Mubarak Naam ‘SAYYED MOHAMMAD USMAN’ radiyallahu anhu he. Jabki Aap Apne Laqab ‘LAAL SHABAAZ’ se zyada Mash’hoor he. Allah ne Aapko is Qadr Husn o Jamaal Ataa farmaya tha ke Aapki Peshani ke Noor ke Samne Chandni bhi Maat thi. Aapka Silsila e Nasab 13 Vasto se HAZRAT SAYYEDNA IMAM JAFAR SADIQ radiyallahu anhu tak pahonchta he.

🎴 HAZRAT SAYYEDNA LAAL SHAHBAAZ QALANDAR radiyallahu anhu ko Bachpan se hi ilm hasil karne ka Azhad Shouq tha aur Aapne sirf Saat (7) saal ki Umr sharif me Quran e Majid Hifz kar liya tha. Uske Alawa thode hi arse me Arbi aur Farsi me bhi Maharat hasil kar lit hi.

📗(Faizane Usman Marvandi)

🔸🔹🔸🔹🔸🔹🔸🔹🔸🔹🔸
LAL SHEHBAZ QALANDER KO QALANDAR KEHNE KI VAJAH :-

🎴 HAZRAT SAYYEDNA LAAL SHAHBAAZ QALANDAR radiyallahu anhu Silsila e Aaliya Qalandariya se bhi Ta’alluq rakhte the, isi liye Aapko QALANDAR kaha jata he. Barre Sagir me Silsila e Qalandariya ne HAZRAT SAYYEDNA SHAH KHIZR ROOMI radiyallahu anhu se Shohrat paai he.

🎴 Qalandar Khilfe Shara’a Harkate karne wale ko nahi kaha jata, jesa ke is Zamane me Be Namazi, Daadhi Munde, Aurato ki Tarah Lambe Lambe Baal, Hath Paau me Lohe ke Kade Pahenne wale Log Kehte Phirte he ke Hamari to Qalandari Line he (Ham to Qalandar he). Ma’az Allah. Haalki Sufiya e Kiram ki Istelaah me QALANDAR SHARIAT KE PAABAND HI KO KAHA JATA HE……Chunanche…

🎴 KHALIFA E MUFTI E AAZAM E HIND, FAIZ E MILLAT, HAZRAT SAYYEDNA FAIZ AHMED OWAISI rehmatullah alyh farmate he ke “ Qalandar wo he jo Khalaiq e Zamana se Zaahiri aur Baatini Tajurba Hasil kar chuka ho, SHARIAT O TARIQAT KA PAABAND HO”

🎴 Mazid farmate he “Dar Asl Sufi aur Qalandar ek hi Zaat ka Naam he, Sirf Lafz do he. Magar Haq ye he ke Unme Umum Khusus (Aam o Khas) ki Nisbat he, isliye ke Har Qalandar Sufi to ho sakte he Lekin har Sufi Qalandar nahi, Kyunki jaha Sufi ki Inteha hoti he waha se Qalandar ki Ibtida hoti he”

📗(Faizane Usman Marvandi)

🔸🔹🔸🔹🔸🔹🔸🔹🔸🔹🔸
LAAL SHABAAZ KEHNE KI VAJAH :-

🎴 Aapko LAAL SHAHBAAZ kaha jata he, uska matlab kya he? ‘LAAL’ ke Muta’alliq ek hiqayat par roshni padti he. IMAMUL AARIFIN HAZRAT SAYYED MOHAMMAD RAASHID PIR rehmatullah alayh apne Malfuzaat e Mubaraka me farmate he ke…

🎴 HAZRAT MAKHDOOM LAAL SHAHBAAZ QALANDAR radiyallahu anhu ko kamil akmal Vali Allah ki talash thi. Arsa e Daraz ki Justaju aur talash ke Baad Aakhir me ek Ishq ke jale hue Buzurg ki ziyarat nasib hui aur aapne unki sohbat ikhtiyaar ki.

🎴 jab Namaz ka Waqt hua to HAZRAT SHAHBAAZ QALANDAR radiyallahu anhu ne un Buzurg se arz ki ke ‘Huzur ! Namaz ka waqt ho gaya he, uthiye ke Namaz adaa kare’ Buzurg ne farmaya ke ‘Namaz kya he?’ Aapne arz kiya ke ‘Namaz Ibadat he’. Phir Aapne un Buzurg ko Vuzu karake Jama’at me lake khada kiya aur Aap khud Imam ban gae. Jab LAAL SHAHBAAZ QALANDAR radiyallahu anhu ne Magrib ki Namaz ki Takbir me ‘ALLAHU AKBAR’ kaha to Allah ka Mubarak Naam sun kar wo Buzurg Mehboob e Haqiqi ke Ishq me jal kar Khaak ho gae.

🎴 SAYYEDNA SHAHBAAZ QALANDAR radiyallahu anhu jab Namaz se farig hue to kya dekhte he ke wo Buzurg jal kar khaak ho chuke he. Wo Buzurg Apne Maaboode haqiqi ke ishq o mohabbat me be inteha mahv the. HAZRAT LAAL SHAHBAAZ QALANDAR radiyallahu anhu ne Khaake Aqdas Apne chehra e anvar aur badan par mal li.

🎴 us khaake paak ka SHAHBAAZ QALANDAR radiyallahu anhu par aisa asar hua ke jab bhi Allah ka Naam Mubarak Sunte to ek dam aapke jism ke har ek Baal Mubarak ki jad se Khoon nikalta tha.(aur aapka pura badan Mubarak LAAL ho jata) Us roz se SAYYEDNA SHAHBAAZ QALANDAR radiyallahu anhu ‘LAAL’ kehlaae.

🎴 ‘LAAL’ ka Lugvi maana he ‘Surkh rang ka qimti Paththar’ jis tarah Laal Paththaro me Aala Shan wala hota he usi tarah LAAL SHAHBAAZ Aulia me Aala shan wale he. Jis tarah SHAHBAAZ (Bada Baaz) Buland parvaaz ke sabab sab parindo ka Sardaar kehlata he. Usi tarah HAZRAT SHAHBAAZ QALANDAR radiyallahu anhu sab Qalandaro ke Saradar, Peshva aur Shahbaaz e Vilayat he.

📗(Jahane Aulia)

🔸🔹🔸🔹🔸🔹🔸🔹🔸🔹🔸

Hazrat Lal Shahnaz Qalandar ka Shijra aur Zyarate

➡ BAIT O KHILAFAT :-

🎴 HAZRAT SAYYEDNA USMAN MARVANDI AL MAROOF LAAL SHAHBAAZ QALANDAR radiyallahu anhu Ilm o Hiqmat ki Doulat Samet’te Samet’te jab ‘Karbala e Moalla’ pahonche to HAZRAT SAYYEDNA IMAM MOOSA KAAZIM radiyallahu anhu ki Aulad e Paak se ek Buzurg HAZRAT SAYYEDNA SHAIKH ABU ISHAQ SAYYED IBRAHIM QADRI radiyallahu anhu ke Daste Aqdas par Bait hue aur taqriban 12 Maah tak Pir o Murshid ke zere saaya Suluq ki Manzile tay farmate rahe.

➡ AAPKA SHAJRA SHARIF :-

🎴 HAZRAT SAYYEDNA USMAN MARVANDI AL MAROOF LAAL SHAHBAAZ QALANDAR radiyallahu anhu…..Aapke Murshid…

🎴 HAZRAT SAYYEDNA IBRAHIM QADRI radiyallahu anhu…..Aapke Murshid….

> HAZRAT SAYYEDNA SHAIKH MURTAZA SUBHANI radiyallahu anhu…Aapke Murshid…

🎴 HAZRAT SAYYEDNA SHAIKH AHMED BIN MUBARAK radiyallahu anhu…Aapke Murshid…

> GOUSUS SAQLAIN QUTBUL KOUNAIN HAZRAT SAYYEDNA GOUS E AAZAM SHAIKH ABDUL QADIR JILANI radiyallahu anhu.

🎴 Aapke Murshid e Karim ne chunke Khidmate din ke liye koi khas Manzil Muta’ayyan na farmai thi, isliye Aap Pir o Murshid ke farman par Labbaik kehte hue an dekhe raasto par nikal khade hue aur Shaher ba Shaher Gaao ba Gaao Neki ki Dawat dene me Masroof ho gae.

➡ SARKAR GOUS E AAZAM radiyallahu anhu KE MAZAR SHARIF PAR HAZRI :-

🎴 HAZRAT SAYYEDNA LAAL SHAHBAAZ QALANDAR radiyallahu anhu SARKAR E GOUS E AAZAM radiyallahu anhu ke Mazar Sharif par hazir hue, Muraqibe ke Douran aapko SARAKAR E GOUS E AAZAM radiyallahu anhu ki Ziyarat nasib hui. GOUS E PAAK radiyallahu anhu ne farmaya “USMAN ! ab Makka Moazzama chale jaao aur Allah ke ghar ki ziyarat karo”

📗(Faizane Usman Marvandi, Jahane Aulia)

🔸🔹🔸🔹🔸🔹🔸🔹🔸🔹🔸