SHAHZAADI-E-RASOOL, SAYYADA FATIMA ZAHRA radiyallahu anha Ke Wiladat-E-Paak Ke Pehle Ke Hairat Angez Waqiat Aur "FATIMA" Naam Rakhne Ki Vajah :-
(Urs Mubarak :- 3,Ramzanul Mubarak, Mazar :- Jannatul Baqi'a Sharif, Madina Munavvara)
⛺UMMUL MOMININ, HAZRAT SAYYEDA KHADIJATUL KUBRA radiyallahu anha farmati hai ke :-
"Jab SAYYEDA FATIMA ZAHRA radiyallahu anha mere shiqame paak me Jalwagar hui to mujhe kisi qism ki giraani mehsoos nahi hoti thi balke SAYYEDA FATIMA radiyallahu anha mujhse baate kiya karti thi."
⛺Saahibe ‘Rouzatul Vaaizin’ likhte he ke jab SAYYEDA FATIMA ZAHRA radiyallahu anha apni Vaalida Majida HAZRAT SAYYEDA KHADIJATUL KUBRA radiyallahu anha ke shiqame paak me jalwa farma hui to HUZUR SAYYED-E-AALAM sallallahu alayhi va aalihi va sallam ne SAYYEDA KHADIJATUL KUBRA radiyallahu anha se farmaya ke :-
"Ae KHADIJA ! mujhko RUHOOL AMEEN, HAZRAT JIBRAEEL alayhissalam ne khabar di he ke tumhare Shiqam me jo Sahabzaadi he jab ye Paida ho unka naam ☄FAATIMA☄ rakha jaaye, ke ye unka Nasli Naam he."
💫FAATIMA ke maana hai "PAAK, PAAKIZA, BAA BARKAT, BAHOT KHUSH AKHLAAQ."💫
⛺HAZRAT ANAS radiyallahu anhu farmate he ke HUZUR sallallahu alayhi va aalihi va sallam ne farmaya ke :-
"Mene apni is Beti ka Naam FAATIMA is liye rakha he ke ALLAH TA'AALA ne meri is Beti aur is se Mohabbat rakhne walo ko Jahannam se Aazad farmaya he."
(📚TAZKIRA SAYYADA KHATUN-E-JANNAT)
💟"PAARAHA-E-SUHUF GUNCHAHAA-E-QUDUS, AHLE BAIT E NUBUVVAT PE LAAKHO SALAM."💟
💟"UNKE MAULA KE UN PAR KARORO DARUD,
UNKE AS'HAAB-O-ITRAT PE LAAKHO SALAM."💟
(📝SARKAR AALA HAZRAT radiyallahu anhu)
🔸🔹🔸🔹🔸🔹🔸🔹🔸🔹🔸
✍�SHAHZAADI-E-RASOOL, SAYYADA FATIMA ZAHRA radiyallahu anha Ke ALQAABAAT KI MUKHTASAR TASHRIH :-
💟 "ZAHRA" :-
👇�
☄ZAHRA ke maana hai ‘KALI’ , ‘NIHAYAT KHUBSURAT.’
ALLAH TABARAK VA TA'AALA Ne Aapko Bahot hi zyaada Husn-O-Jamaal ataa farmaya tha.
☄Chunanche HAZRAT ANAS bin MAALIK radiyallahu anhu farmate he ke Maine apni Walida Majida se HAZRAT SAYYEDA FATIMA ZAHRA radiyallahu anha ke muta’alliq puchha to farmaya ke :-
🌹"SAYYEDA FATIMA ZAHRA radiyallahu anha chaudahvi (14vi) raat ke chand ki tarah Hasin-O-Jamil thi."🌹
💟 "BATOOL" :-
👇�
☄BATOOL ke maana hai "DUNIYA SE BE TA’ALLUQ."
☄chunke aapki tavajjoh duniya aur uski aisho ishrat ki taraf nahi thi Balke har waqt ALLAH TABARAK VA TA'AALA ki taraf rahi he. is liye aapko BATOOL kehte hai."
💟 "TAAHIRA" va "ZAAKIYA" :-
👇�
☄TAAHIRA va ZAAKIYA ka maana hai "PAAK SAAF"
☄chunke Bachpan hi se HUZUR sallallahu alayhi va aalihi va sallam ki Nazre rehmat aur Faizane Mohabbat se aapke Batin ka Tazkiya ho chukka tha aur aapko Zaaahiri va Baatini Tahaarat va Paakizgi hasil ho chuki thi. Is liye aapka Laqab "TAAHIRA" va "ZAAKIYA" hua.
💟 "RAAZIYA" va "MARZIYA" :-
👇�
☄chunke aap har waqt ALLAH TA'AALA ki Raza par Raazi rehti thi, isiliye aapko "RAAZIYA MARZIYA" kehte he.
💟 "AABIDA" va "ZAAHIDA" :-
👇�
☄Chunke aapki puri zindagi Zohd-O-Ibadat me Guzri, isliye aapko "ZAAHIDA" va "AABIDA" ke Laqab se yaad kiya jata he.
(📚Tazkira Sayyeda Khatoone Jannat)
💟 SARKAR AALA HAZRAT radiyallahu anhu Ke Likhe Huve She'ar Par JANAB AKHTARUL HAAMIDI Aur JANAB SAYYAD HABIB AHMED Ki Tazmin Padhiye :-
👇�
1⃣)☄"SAADIQAH, SAALEHA, SAAEMA, SAABERAH,
SAAF DIL, NEK KHOO, PAARSA, SHAAKIRAH,
AABIDAH, ZAAHIDAH, SAAJIDAH, ZAAKIRAH,
SAYYIDAH, ZAAHIRAH, TAYYIBAH, TAAHIRAH,
JAAN-E-AHMED KI RAAHAT PE LAAKHO SALAM."☄
(📝JANAB AKHTARUL HAAMIDI)
2⃣)☄"JINKA NAAM-E-MUBARAK HAI BI FAATIMA,
JO KHAVAATIN-E-AALAM ME HAI AALIYA,
AABIDAH, ZAAHIDAH, SAAJIDAH, SAALEHA,
SAYYIDAH, ZAAHIRAH, TAYYIBAH, TAAHIRAH,
JAAN-E-AHMED KI RAAHAT PE LAAKHO SALAM."☄
(📝JANAB SAYYAD HABIB AHMED)
🔸🔹🔸🔹🔸🔹🔸
✍�SAYYADA FATIMA ZAHRA radiyallahu anha SE MOHABBAT KI JAZAA Aur UNSE ADAAVAT KI SAZAA :-
🏞HAZRAT ZAAADAN radiyallahu anhu HAZRAT SULEMAN radiyallahu anhu se rivayat karte he ke ALLAH KE PYAARE HABIB sallallahu alayhi va aalihi va sallam ne farmaya :-
“Ae SULEMAN ! yaad rakho jo koi meri beti FAATIMA se Mohabbat rakhega Bahisht me mere saath hoga aur jo koi uske saath Dushmani rakhega wo Jahannam me jaaega,
🏞Ae SULEMAN ! meri Beti FAATIMA ki mohabbat 100 jagah nafaa pahonchati he un jagaho me sahal (Aasaan) Maqaamaat Maut aur Qabr aur Mizaan aur Pul Siraat aur Hisaabe Qayamat hai.."
🏞"Jis shakhs se meri beti FAATIMA khush hogi us se Mai Khush hounga, ALLAH TA'AALA bhi us se khush hoga aur jis kisi se meri Beti FAATIMA Naaraaz hogi us se Mai Naaraaz hounga
aur jis se Mai Naaraaz hu ALLAH bhi us se Naaraaz aur Gazabnaak hai."
🏞"Ae SULEMAN ! aur jo Shakhs Meri Beti aur Uske Shohar par Zulm kare ya unki Aulad par Zulm kare uske liye Vel he, Halaakat hi Halaakat hai."
(📚TAZKIRA SAYYADA KHATUNE JANNAT)
☄"DOST PAR UN KE RAHMAT HAI ALLAH KI,
UN KE DUSHMAN PAR LAA'ANAT HAI ALLAH KI.☄
🔸🔹🔸🔹🔸🔹🔸🔹🔸🔹🔸
✍� SAYYEDA FAATIMA ZAHRA radiyallahu anha Aur PARDA :-
⛺HUZUR-E-SARVAR-E-KAAINAT sallallahu alayhi va aalihi sallam ne ek martaba Sahaba-E-Kiram se farmaya ke :-
“Bataao ! Aurat ke liye konsi chiz Behtar he?”
tamami Sahaba-E-Kiram Khamosh rahe kisi ne koi jawab na diya.
⛺AMIRUL MOMININ, HAZRAT SAYYEDNA ALIYYE MURTAZA radiyallahu anhu farmate he ke :-
“Mai fauran ghar aaya aur SHEHZAADI-E-RASOOL, SAYYEDA FAATIMA ZAHRA radiyallahu anha se kaha ke aaj ALLAH KE PYAARE HABIB sallallahu alayhi va aalihi sallam ne ye sawal kiya he aap bataaye ke kya jawab du?”
⛺SAYYEDA FAATIMA ZAHRA radiyallahu anha ne farmaya ke :-
“NA AURATE AJNABI MARDO KO DEKHE, NA MARD GAIR AURATO KO DEKHE”.
⛺HAZRAT ALIYYE MURTAZA radiyallahu anhu farmate he ke :-
“Maine ye jaa kar HUZUR-E-AQDAS sallallahu alayhi va aalihi sallam ko Pesh kiya.”
to
AAP sallallahu ta'aala alayhi va aalihi va sallam ne farmaya ke :-
💔“FAATIMA MERE JIGAR KA TUKDA HAI.”💔
SubhanALLAH......
(📚TAZKIRA SAYYADA KHATUN-E-JANNAT)
🏕Isiko SARKAR AALA HAZRAT radiyallahu anhu Kya Khub Farmate Hai Ke :-
💟"US BATOOLE JIGAR PAARAH-E-MUSTAFA,
HAJLA AARA-E-IFFAT PE LAAKHO SALAM."💟
💟"JISKA AANCHAL NA DEKHA MAH-O-MEHAR NE,
US RIDAA-E-NAZAAHAT PE LAAKHO SALAM.
🌷🌷🌷🌷🌷🌷🌷🌷🌷🌷
✍�BIBI FATIMA KI CHAKKI KHUD BA KHUD CHALNE LAGI, JHULA APNE AAP JHULNE LAGAA :-
🏜HAZRAT UMME AYMAN radiyallahu anha farmati he ke :-
"Ramzanul Mubarak ka Mahina tha aur Dopaher ka waqt tha, Shiddat ki garmi pad rahi thi, Mai SAYYEDA FAATIMA ZAHRA radiyallahu anha ke Makaan par Hazir hui, darvaza band tha aur chakki chalne ki aawaz aa rahi thi."
🏜"Maine jhaank kar dekha to SAYYEDA FAATIMA ZAHRA radiyallahu anha Zamin par so rahi he aur HASNAIN KARIMAIN radiyallahu anhuma ka Jhula khud ba khud hil raha he aur Chakki bhi khud ba khud chal rahi he. Mai bahot heran hui aur usi waqt HUZUR-E-AQDAS sallallahu alayhi va aalihi va sallam ki Khidmat me Hazir ho kar saara Maajra bayaan kiya to Aapne Irshad farmaya ke :-
“Ae UMME AYMAN ! is Shiddat ki garmi me meri beti FAATIMA roze se hai, ALLAH TA'AALA ne apne karam se FAATIMA par Nind taari kardi he ke unhe Garmi aur taklif Mehsoos na ho aur Farishto ko Huqm diya he ke wo FAATIMA ke kaam ko sar anjaam de.”
(📚TAZKIRA SAYYADA KHATUN-E-JANNAT)
🏜MAULANA HASAN RAZA KHAN BAREILLVY radiyallahu anhu Kya Khub Farmate Hai Ke :-
✨"Kis Zubaañ Se Ho Bayaane Izzo Shaane AHLE BAIT,
Mad'h Go Ae MUSTAFA Hai Mad'hkhvaane AHLE BAIT."✨
✨"UNKI PAAKI KA KHUDA-E-PAAK KARTA HAI BAYAAN,
AAYAH-E-TATHIR SE ZAAHIR HAI SHAANE AHLE BAIT."✨
🔸🔹🔸🔹🔸🔹🔸🔹🔸🔹🔸
SAYYEDA FAATIMA ZAHRA radiyallahu anha aur JANNATI JODAA :-
⛺Ek yahudi ki ladki jo badi maaldaar thi, Biyaahi gayi aur bahot si dawate uski shaadi me bulaayi gayi jo bade besh qimat kapde pahan kar aayi.
⛺In aurato ne kahaa hamaari dili aarzoo hai ke kisi tarah MUHAMMAD sallallahu ta'aala alayhi va aalihi va sallam ki Beti FATIMA aur uske faqr ko bhi dekhe.
⛺Chunaanche yahudi ki ladki ne HAZRAT FATIMA radiyallahu anha ko bula bheja. Aapne uski is taqrib me shaamil hone ka waada bhi kar liya.
⛺Abhi thodi der bhi na guzri thi ke HAZRAT JIBRAEEL alayhissalam Jannat ka ek Joda lekar haazir huve aur HUZUR sallallahu ta'aala alayhi va aalihi va sallam ne JANNAT ka woh Joda HAZRAT FATIMA radiyallahu anha ko pahenne ke liye diya.
⛺Aapne wahi Joda pehna aur yahudi ki ladki ki shaadi me tashrif le gayi. Jab Aap un aurato me bethhi to us Jode se NOOR ke Chamkaare paida huve.
⛺Aurato ne herat me aakar puchha FATIMA ye libaas tumhare paas kahaañ se aaya ? Farmaya, Mere Baap ke Ghar Se.
Aurate boli, tumhare baap ko kisne diya ? Farmaya, JIBRAEEL ne.
Kahaa, Aur JIBRAEEL kahaañ se laaye ? Farmaya, JANNAT Se.
⛺Ye sun kar sabne baittafaaq KALMA-E-SHAHAADAT Padha Aur "ASH'HADU ALLAILAAHA ILLALLAH VA ASH'HADU ANNA MUHAMMADUR RASOOLULLAH" ke Na'arah se saara Makaan Gunj uthha.
⛺SABAQ :- HUZUR sallallahu ta'aala alayhi va aalihi va sallam aur AHLE BAIT-E-IZAAM ka Faqr, Faqr-E-Ikhtiyaari tha, Zahd-O-Faqr aur Saadgi unki apni ikhtiyaar kardah aur Ta'alim-E-Ummat ke liye thi varna woh JANNAT ke MAALIK the aur unka Libaas bhi Jannat se bankar aata tha.
⛺SARKAR AALA HAZRAT radiyallahu anhu kya khub farmate hai ke :-
💟"MAALIK-E-KAUNAIN HAI GO PAAS KUCH RAKHTE NAHI,
DO JAHAAÑ KI NE'AMATE HAI UNKE KHAALI HAATHO ME."💟
💟"TERI NASL-E-PAAK ME HAI BACHCHA BACHCHA NOOR KA,
TU HAI AINE NOOR TERA SAB GHARAANA NOOR KA."💟
🔸🔹🔸🔹🔸🔹🔸🔹🔸🔹🔸
"DAWAT-E-RASOOL from SHAHZAADI-E-RASOOL"
(SHAAHI DAWAT, KHATUN-E-JANNAT Ne HUZUR alayhissalam Ke Har Qadam Mubarak Ke Badle 1000 Gunahgaaro Ko Jahannam Se Aazaad Karva Diya)
🍒Ek roz HAZRAT USMAN E GANI radiyallahu anhu HUZUR sallallahu ta'aala alayhi va aalihi va sallam ki khidmat me haazir huve aur arz kiya YA RASOOLALLAH sallallahu ta'aala alayhi va aalihi va sallam ! Aaj AAPKI mere ghar Dawat hai, HUZUR sallallahu ta'aala alayhi va aalihi va sallam ne qubul farma liya aur apne AS'HAAB(SAHAABA) samet HAZRAT USMAN ke ghar tashrif le chale, HAZRAT USMAN radiyallahu anhu HUZUR sallallahu ta'aala alayhi va aalihi va sallam ke pichhe pichhe chalne lage aur HUZUR sallallahu ta'aala alayhi va aalihi va sallam ka ek ek Qadam Mubarak jo un ke ghar ki taraf chalte huve zamin par pad raha tha ginne lage. HUZUR sallallahu ta'aala alayhi va aalihi va sallam Ne daryaaft farmaya, Ae USMAN ! Ye Mere Qadam kyo gin rahe ho ? HAZRAT USMAN ne arz kiya, YA RASOOLULLAH sallallahu ta'aala alayhi va aalihi va sallam ! Mere Maa Baap AAP par qurban ho, Mai chaahta hu ke HUZUR sallallahu ta'aala alayhi va aalihi va sallam ke ek ek Qadam ke aevaz me AAPKI Ta'azim-O-Taukir ki khaatir ek ek gulam aazaad kardu. Chunanche HAZRAT USMAN ke ghar tak HUZUR sallallahu ta'aala alayhi va aalihi va sallam ke jis qadr Qadam pade, Usi qadr gulam HAZRAT USMAN ne aazaad kiye.
🍇Jab ye Dawat ho chuki to HAZRAT MAULA ALI radiyallahu anhu apne ghar tashrif laaye to HAZRAT FATIMA radiyallahu anha ne dekha ke Aap bade magmum hai. HAZRAT FATIMA radiyallahu anha ne daryaaft farmaya, ke Aap pareshaan kyoñ hai. To farmaya, FATIMA ! Aaj mere bhai USMAN ne HUZUR sallallahu ta'aala alayhi va aalihi va sallam ki Badi Shaandaar Dawat ki hai aur HUZUR sallallahu ta'aala alayhi va aalihi va sallam ke ek ek Qadam ke aevaz usne gulam aazaad kiye hai ae kaash ! Hum bhi HUZUR sallallahu ta'aala alayhi va aalihi va sallam ki isi qism ki koi Dawat kar sakte. HAZRAT FATIMA ne farmaya, Aap pareshaan na ho. Jaaiye aur HUZUR sallallahu ta'aala alayhi va aalihi va sallam ko Aap bhi Dawat de aaiye. HAZRAT ALI radiyallahu anhu ne farmaya, magar is qadr badaa intazaam aur ek ek Qadam ke badle ek ek gulam aazaad karna ye kaise hoga ? Farmaya, InshaALLAH saara intazaam ho jaayega. Chunanche HAZRAT ALI gaye aur HUZUR sallallahu ta'aala alayhi va aalihi va sallam ki khidmat me haazir hokar Dawat arz kar di. HUZUR sallallahu ta'aala alayhi va aalihi va sallam ne Qubul farmali aur Apne AS'HAAB samet HAZRAT FATIMA ke ghar tashrif le chale.
🍍HAZRAT FATIMA radiyallahu anha ne HUZUR sallallahu ta'aala alayhi va aalihi va sallam ko AS'HAAB samet bithhaaya aur khud khalvat me tashrif le jaa kar Sajda me gir gayi aur ALLAH se arz ki :-
"Ae ALLAH ! Teri Bandi FATIMA Ne Tere MEHBUB aur MEHBUB Ke AS'HAAB Ki Dawat Ki Hai Aur Teri Bandi Ka Tujhi Par Bharosa Hai. ILAAHI ! Meri Laaj Rakh Aur Is Dawat Ke Khaane Ka Tu Intazaam Farma De."
🍲Ye DUA maang kar HAZRAT FATIMA ne handiya ko chulhe par rakha aur ro ro kar fir Apne ALLAH se DUA ki ke MAULA ! Apni Bandi FATIMA ko sharminda na karna, KHUDA TA'AALA ka Dariya-E-Karam josh me aaya aur usne us handiya ko JANNAT ke khaane se bhar diya, HAZRAT FATIMA radiyallahu anha ne us handiya mese sabko khaana bhejna shuru farmaya. HUZUR sallallahu ta'aala alayhi va aalihi va sallam aur AAPKE Saare AS'HAAB ne khaana tanaavul farmaya lekin handiya me se kuch bhi kam na huva.
🍋HUZUR sallallahu ta'aala alayhi va aalihi va sallam Ne SAHABA-E-KIRAAM se farmaya, Jaante ho ! Ye khaana kahaañ se aaya hai ? SAHABA ne arz ki, Nahi YA RASOOLALLAH ! Farmaya, Ye khaana ALLAH ne hamaare liye JANNAT se bheja hai. SAHABA-E-KIRAAM ye sunkar bade khush huve.
🍐HAZRAT FATIMA radiyallahu anha fir khalvat me gayi aur sajde me gir kar DUA ki ke :-
"Ae ALLAH ! USMAN ne tere MEHBUB ke ek ek Qadam ke aevaz ek ek gulam aazaad kiya hai aur teri Bandi me itni istetaa'at nahi. MAULA! jahaa Tune Meri khaatir JANNAT se khaana bhej kar Meri sharm rakh li hai wahaañ Tu Meri khaatir Apne MEHBUB ke un Qadmo ke baraabar jitne Qadam chal kar woh Mere Ghar tashrif laaye hai MEHBUB ki UMMAT ke gunahgaaro ko Jahannam se aazaad kar de."
🍓HAZRAT FATIMA radiyallahu anha Jab is DUA se faarig huyi to JIBRAEEL AMEEN ne haazir hokar HUZUR sallallahu ta'aala alayhi va aalihi va sallam se arz kiya, YA RASOOLALLAH ! ALLAH TA'AALA ne muje ye bashaarat dekar bheja hai ke :-
🕋"AAPKI SAHABZAADI ki DUA qubul farmate huve hamne AAPKE har Qadam ke aevaz Ek Hazaar (1000) gunahgaaro ko jahannam se aazaad kar diya. Ye bashaarat sunkar HUZUR sallallahu ta'aala alayhi va aalihi va sallam aur SAHAABA-E-KIRAAM bade khush huve."🕋
(📚SACHCHI HIKAAYAAT Ba Havaala JAAMIUL MUAJIZAAT MISRI)
🍎SABAQ :- HAZRAT FATIMA radiyallahu anha ka Badaa Buland Martaba hai ke Aapki khaatir ALLAH ne JANNAT se Khaana bheja. Aur Aapke tufail KHUDA ne gunahgaaro ko jahannam se aazaad kar diya aur ye bhi maalum huva ke HAZRAT USMAN radiyallahu anhu Bade Sakhi aur HUZUR sallallahu ta'aala alayhi va aalihi va sallam ke Sachche Jaanbaaz the aur ye bhi maalum huva ke SAHABA-E-KIRAAM aur AHLE BAIT-E-IZAAM sab aapas me Mohabbat rakhte the.
🍉"BEADAB GUSTAAKH FIRQE KO SUNAA DE AE 'HASAN',
YOOÑV KAHAA KARTE HAI SUNNI DAASTAANE AHLE BAIT."🍉
(📝MAULANA HASAN RAZA BAREILLVY radiyallahu anhu)
🔸🔹🔸🔹🔸🔹🔸🔹🔸🔹🔸🔹
✍�SAYYADA FATIMA ZAHRA radiyallahu anha Ka WISAL SHARIF aur KAAGAZ KA TUKDA
⛺KHATUN-E-JANNAT, SAYYADA FATIMA radiyallahu anha Jab Bimaar Huve To HAZRAT ALI radiyallahu anhu Ne Unse Farmaya :-
"Ae FATIMA! Meri Ye Vasiyyat Hai Ke Jab HUZUR sallallahu ta'aala alayhi va aalihi va sallam Ke Paas Pahuncho To Mera Salam Arz Karna Aur Kehna YA RASOOLULLAH sallallahu ta'aala alayhi va aalihi va sallam! Mai Aapka Badaa Mushtaaq Hu."
⛺HAZRAT FATIMA radiyallahu anha Ne Farmaya Aur Meri Bhi Ek Vasiyyat Hai Aur Wo Ye Ke :-
"Jab Mera Intaqaal Ho Jaaye To Muj Par Chikh Chilla Kar Maatam Na Karna Aur Mere Noor-E-Chashm HASAN-O-HUSAIN Ko Maarna Nahi, Aur Ae SHER-E-KHUDA ! Woh Dekhiye HUZUR sallallahu ta'aala alayhi va aalihi va sallam Farishto Ke Jurmut Me Tashrif Le Aaye Hai.
Ab Mai Jaa Rahi Hu Aur Mere Intaqaal Ke Baad Falaañ Jagah Maine Ek Kaagaz Ka Tuqda Badi Hifaazat Se Rakha Hai, Us Kaagaz Ko Nikaal Kar Mere Kafan Me Rakh Dena Aur Use Padhna Nahi."
⛺HAZRAT ALI Ne Farmaya :-
"FATIMA! RASOOLALLAH Ka Vaasta Dekar Kehta Hu Ke Muje Bataado Us Kaagaz Me Kya Likha Hai ?"
⛺HAZRATE FATIMA radiyallahu anha Ne Farmaya :-
"Mera Nikaah Jab Aapse Hone Lagaa Tha To HUZUR sallallahu ta'aala alayhi va aalihi va sallam Ne Mujhse Farmaya, FATIMA ! Mai ALI Se 400 Mishqaal Chaandi Ke Mehar Par Tumhara Nikaah Karne Lagaa Hu."
⛺Maine Arz Kiya :-
"YA RASOOLALLAH ! sallallahu ta'aala alayhi va aalihi va sallam ALI Mujhe Manzur Hai Lekin Itna Mahar Muje Manzur Nahi."
⛺Itne Me HAZRAT JIBRAEEL AMEEN alayhissalam Ne Haazir Hokar HUZUR sallallahu ta'aala alayhi va aalihi va sallam Se Arz Kiya :-
"YA RASOOLULLAH ! KHUDA Farmata Hai Ke Mai JANNAT Aur USKI NEAMATEÑ FATIMA Ka Mahar Muqarrar Karta Hu."
⛺HUZUR sallallahu ta'aala alayhi va aalihi va sallam Ne Muje Iski Khabar Di To Mai Fir Bhi Raazi Na Huyi, HUZUR sallallahu ta'aala alayhi va aalihi va sallam Ne Farmaya To Fir Tum Khud Hi Bataao Ke Mahar Kya Ho ?
⛺Maine Arz Kiya :-
YA RASOOLULLAH ! sallallahu ta'aala alayhi va aalihi va sallam AAP Har Waqt Apni Ummat Ke Gam Me Rehte Hai.
🌳"MAI CHAAHTI HU KE AAPKI GUNEHGAAR UMMAT KI BAKHSHISH MERA MAHAR MUQARRAR HO."🌳
⛺Chunaanche HAZRAT JIBRAEEL alayhissalam Wapas Gaye Aur Ye KAAGAZ KA TUKDA Lekar Aaye Jisme Likha Hai :- 👇�
☄"جعلت شفاعت امّة محمّد صداق فاطمة"☄
(JA'ALTU SHIFA'ATA UMMATI MUHAMMADIN SADAAQU FAATIMAH)
Yaani
☄"MAINE UMMAT-E-MUHAMMAD KI SHAFAA'AT FAATIMAH KA MAHAR MUQARRAR KAR DIYA."☄
(📚SACHCHI HIKAYAT Ba Havaala JAAMIUL MUAJIZAAT MISRI)
⛺SABAQ :- HUZUR sallallahu ta'aala alayhi va aalihi va sallam Ke Sadqe Me Ham Gunehgaaro Par ALLAH Ka Badaa FAZL-O-KARAM Hai Ke HUZUR sallallahu ta'aala alayhi va aalihi va sallam Ki SAHABZAADI Ko Bhi Ham Gunehgaaro Ka Khayaal Raha Aur Woh Hamari Bakhshish Ka Intazaam Farma Gayi. Fir Ye Kehna Ke Un ALLAH WALO Se Kuch Nahi Milta Kis Qadr Jahaalat Ki Baat Hai.
Aur Ye Bhi Maalum Huva Ke CHIKH CHILLA Kar MAATAM Nahi Karna Chahiye, Is Chiz Se Khud SAYYADA KHATUN-E-JANNAT radiyallahu anha Ne Bhi Manaa Farmaya Hai.
⛺Kisi Shayar Ne Kya Khub Farmaya Hai Ke :-
☄"PAAYA PAKAD KE ARSH KA ZAHRA NE YE KAHAA,
BANDO NE TERE, MERE PISAR KO ZIBAH KIYA,
UMMAT KO MERE ABBA KI TU BAKHSH DE KHUDA,
SAMJHUNGI MIL GAYA MUJE BADLA HUSAIN KA."☄
🔸🔹🔸🔹🔸🔹🔸🔹🔸🔹🔸
