HAZRAT SAYYEDNA MAKHDOOM ALAUL HAQ PANDVI CHISHTI radiyallahu anhu

HAZRAT SAYYEDNA MAKHDOOM ALAUL HAQ PANDVI CHISHTI radiyallahu anhu
________________________________________

HAZIR O NAZIR HONE KA SABUT VALI KI KARAMAT SE :- HAZRAT SAYYEDNA MAKHDOOM ALAUL HAQ PANDVI CHISHTI radiyallahu anhu (Urs :- 23, Rajabul Murajjab, Mazar :- Pandva Sharif, West Bengal) 🔹🔹 POST NO. 1🔹🔹 💎 MURSHID E MAKHDOOM E SIMNA QUTB E BANGAAL HAZRAT SAYYEDNA MAKHDOOM ALAUL HAQ PANDVI CHISHTI radiyallahu anhu. Aap Silsila e Aaliya Chishtiya, Nizamiya, Sirajiya Ashrafiya Habibiya Ke Baaisve (22) Imam Va Shaikh e Tariqat He. Aap SAHABI E RASOOL HAZRAT SAYYEDNA KHALID BIN VALID radiyallahu anhu Ki Aulad e Paak Se He. 💎 ‘Lataif e Ashrafi’ Me He ke “HAZRAT SAYYEDNA MAKHDOOM ALAUL HAQ PANDVI radiyallahu anhu bhi ABDAAL He, Aapke Huqm Ke Mutabiq Aapke Muridin Pahado Me Mukhtalif Maqamat Par Mashgoole Ibaadat Raha Karte The 💎 Aur Jab Gosha Nashini Ki Muddat Puri karke Vaapas Aate Aur Ek Dusre Se Milte To Zikr Karte The Ke ”Falaa Falaa Din Falaa Falaa Waqt HAZRAT SAYYEDNA MAKHDOOM ALAUL HAQ radiyallahu anhu Mere Paas Tashrif Laate The Lekin Jab Khankaah Walo Se Puchha Jata Toi Maloom Hota Ke Aap Khankaah Se Bahar Kahi Tashrif Nahi Legae.” 💎 Ba’az Baadshah Aur Amir Aapke Murid The Unhone Dekha Ke kaafiro Se Jung Ke Waqt Aap Unse Jihad Farma Rahe He lekin Khuddam Se Puchhne Par Maloom Hua Ke Aapne To Khanqaah Se Bahar Qadam Bhi Nahi Rakha. 📘(Gulzare Chisht) 🔸🔹🔸🔹🔸🔹🔸🔹🔸🔹🔸

💎 QUTB E BANGAAL HAZRAT SAYYEDNA MAKHDOOM ALAUL HAQ PANDVI CHISHTI radiyallahu anhu GOUSUL AALAM HAZRAT SAYYEDNA MAKHDOOM ASHRAF JAHANGIR SIMANANI radiyallahu anhu Ke Pir o Murshid He Aur AAINA E HIND HAZRAT SAYYEDNA MAKHDDOM SIRAJUDDIN AKHI CHISHTI radiyallahu anhu Ke Khalifa He. aur ye AAINA E HIND HAZRAT SAYYEDNA MAKHDDOM SIRAJUDDIN AKHI CHISHTI radiyallahu anhu SULTANUL MASHAIKH HAZRAT SAYYEDNA KHWAJA NIZAMUDDIN AULIA MEHBOOB E ILAHI radiyallahu anhu ke Chahite Khalifa he.

💎 Aapne Visaal Ke Waqt vasiyat Farmai Thi Ke “Meri Namaze janaza HAZRAT SAYYEDNA MAKHDOOM JAHANIYA JAHANGASHT radiyallahu anhu Ke Alawa Koi Dusra Na Padhae, Visaal Ke Baad Aapke Janaza e Mubarak ko Muridin va Mutalliqin Ne Tayyar Karke Rakh Diya. Lekin Uljhan Me Mubtala The Ke HAZRAT SAYYEDNA MAKHDOOM JAHANIYA JAHANGASHT radiyallahu anhu To ‘Pandwa Sharif’ Se Senkdo Mil Door ‘Uch Sharif’ Me Tashrif farma he Itni Jald Kese Tashrif Laaenge?

💎 Thodi Hi Der Me Logone Dekha Ke HAZRAT SAYYEDNA MAKHDOOM JAHANIYA JAHANGASHT radiyallahu anhu Tashrif Laa Rahe He. Aapne Aakar Namaz e Janaza Padhai Aur Irshad Farmaya ke Mujhe Isliye Bheja Gaya He Ke " QUTB E BANGAAL HAZRAT SAYYEDNA MAKHDOOM ALAUL HAQ PANDVI CHISHTI radiyallahu anhu Ki Namaz e Janaza Padhau."

📘(Gulzare Chisht)

🔸🔹🔸🔹🔸🔹🔸🔹🔸🔹🔸

💎 HAZRAT SAYYEDNA MAKHDOOM ALAUL HAQ PANDVI radiyallahu anhu bade sakhi the. Aapka kharch itna zyada tha ke Badshahe waqt ko bhi Rashq aata tha. Ye Haalat dekh kar Badshahe waqt ne kaha ke ‘chunke HAZRAT SAYYEDNA SHAIKH ALAUL HAQ VADDIN radiyallahu anhu ke Valide Majid mere Khazanchi he jo unhe kharch ke liye Shahi khazane se kharch dete he is liye wo itna kharch karte he’

💎 is Mugaalte ki Buniyaad par Badshahe Waqt ne huqm diya ke HAZRAT SAYYEDNA MAKHDOOM ALAUL HAQ radiyallahu anhu Shaher se bahar “Sunargaao” me chale jaae. Chuanche Sunargaao pahonch kar HAZRAT SAYYEDNA SHAIKH ALAUL HAQ radiyallahu anhu ne Apne Khadimo se farmaya ke “Tum jitna pehle kharch karte the us se dugna kharch karo”. Chuanche Khadimo ne Aapke Huqm ke mutabiq dugna kharch karna shuru kar diya.

💎 HAZRAT SAYYEDNA MAKHDOOM ALAUL HAQ VADDIN radiyallahu anhu ka Hath bahot khula hua tha aur logo ko khub Maal dete the aur farmaya karte the ke mere Shaikh jitna kharch karte the me us se Ashre Ashir bhi kharch nahi karta.

📘(Gulzare Chisht)

🔸🔹🔸🔹🔸🔹🔸🔹🔸🔹🔸