Syed miya qutub uddin rehmatullah aleh

Syed Miya Qutub Uddin rehmatullah talah aleh

(Urs :- 28, Rajabul Murajjab, Mazar :- Ahmedabad, Gujarat)

🔯🔯POST NO.1🔯🔯

♊ HAZRAT SAYYEDNA MIYA QUTBUDDIN urf QUTUB PIR radiyallahu anhu. Aapki Viladat e Baa Sa’adat 858 Hijri me hui. Aapke Vaalid e Majid ka Naam HAZRAT SAYYEDNA MEHMOOD rehmatullah alayh he. Aapka Silsila e Nasab HAZRAT SAYYEDNA KHWAJA IBRAHIM ibne ADHAM radiyallahu anhu se ja Milta he.

♊ Aap HAZRAT SAYYEDNA KHWAJA BAABU CHISHTI rehmatullah alayh ke Murid he. Jinka Mazar ‘Khambhat’ (Gujarat) me he. Phir Aap HAZRAT SAYYEDNA SARKAR KHWAJA SIRAJUDDIN SHAH E AALAM MEHBOOB E BAARI BUKHARI radiyallahu anhu ki Khidmat me Hazir hue aur Unse Faiz Paya aur Khilafat Hasil ki.

♊ Aapko Khilafat Ataa karte waqt HAZRAT SAYYEDNA SHAH E AALAM radiyallahu anhu ne Apna Amama Sharif Apne Sar se Utara aur Aapke Sar par Bandha aur Us Amamae ke Aakhri sire par Likha ke “Khirqa e Khilafat aur Ijazate Hidayat Hamne Hamare Hatho se MIYA MAKHDOOM (HAZRAT SAYYEDNA MIYA QUTBUDDIN urf QUTUB PIR radiyallahu anhu) ko Ataa kiya”.

♊ Aapne Ahmedabad me Tabligi Kaam Bahot hi Khubi se Anjam diye, kai Logo ne Aapse Faiz Hasil kiya. Aapke Khulfa me HAZRAT MOULANA IMADUDDIN TAARMI rehmatullah alayh ka Naam Sare Fehrist he. ye MOULANA IMADUDDIN TAARMI rehmatullah Alayh Apne Waqt ke Bade Jayyad aur Mash’hoor Aalim he. QUTB E GUJARAT HAZRAT SAYYEDNA SHAH VAJIHUDDIN ALVI GUJARATI aur HAZRAT SAYYEDNA QAZI ISAA radiyallahu anhum Jesi Barguzida Hastiyo ne Aapki Shagirdi Ikhtiyaar ki Aur Aapse Dini Taalim Hasil ki.

♊ Aapka Mazar e Poor Anvaar Ahmedabad me Mirzapur area me Bijli Ghar (Power House) ke Pas he. Jo QUTUB PIR ki Masjid ke Naam se Jana Jata he.

📗(Tarikhe Aulia e Gujarat)

🔸🔹🔸🔹🔸🔹🔸🔹🔸🔹🔸