Hazrat Dariya Rehmatullahi Ta'alah Aleh

Hazrat Dariya Rehmatullahi Ta'alah Aleh ki Tauba

(Urs :- 23, Rajabul Murajjab, Mazar :- Ahmedabad, Gujarat)

🔸🔸POST NO.1🔸🔸

✴ MUJAHID E ISLAM HAZRAT SAYYEDNA DARIYA KHAN rehmatullah alayh ka Mazar Sharif Ahmedabad ke Shahibaag Area me ‘Dariya Khan Ghummat’ ke Naam se Mash’hoor he. Kaha Jata he ke HAZRAT DARIYA KHAN rehmatullah alayh ke Khadimo me se kai Khadim Jinnaat bhi the aur Aapke Mazar Sharif par Banaya hua ye Aalishan Gumbad Jinnato ne hi Taamir kiya he.

☣ HAZRAT SAYYEDNA SIRRI SAQTI radiyallahu anhu ne ek Sharabi ko Dekha jo Madhosh Zamin par Gira hua tha aur Apne Sharaab Aalooda muh se ALLAH ALLAH keh raha tha. HAZRAT SAYYEDNA SIRRI SAQTI radiyallahu anhu ne vahi Beth kar Uska muh Paani se Dhoya aur Farmaya ke ‘Is Be Khabar ko kya Khabar? ke Is Naapak Muh se kis Paak Zaat ka Naam le raha he’. Uska Muh Dho kar Aap Chale gae.

☣ Aapke Jane ke Baad Sharaabi ko Hosh Aaya to Logone use Bataya ke Tumhari Behoshi ke Aalam me HAZRAT SAYYEDNA SIRRI SAQTI radiyallahu anhu yaha Aae the aur Tumhara Muh Dho kar Gae he. Sharaabi ye Sun kar Bada Sharminda hua aur Rone Laga. Nafs ko Mukhatib karke Bola ke “Be Sharam ab to tujhe HAZRAT SIRRI SAQTI radiyallahu anhu bhi Tujhe is Haal me Dekh gae he. Khuda se Dar aur Aainda ke liye Touba kar”

☣ Raat ko HAZRAT SAYYEDNA SIRRI SAQTI radiyallahu anhu ne Khwab me kisi kehne wale ko ye kehte suna ke ‘Ae Sirri ! Tumne Hamari Khatir Sharaabi ka Muh Dhoya, Hamne Tumhari Khatir Uska Dil Dhoya’

☣ HAZRAT SAYYEDNA SIRRI SAQTI radiyallahu anhu Tahejjud ke Waqt Masjid me Gae to to usi Sharaabi ko Tahejjud Padhte hue Paaya. Aapne Us se Puchha ke ‘Tujh me ye Badlaav kese Aaya’ to wo Bola ‘Aap Mujhse kyu Puchhte he Jab ke Allah ne Aapko Bata Diya he’

📗(Sachi Hiqayat Ba Hawala Rouzul Faaiq)

☣ Allah ke Valiyo ki Barkat, Nisbat aur Tavajjoh se Insaan ki Kaaya Palat Jati he aur Gunehgaar bhi Nekokaar ban Jata he. Allah Paak Hame Apne in Muqarrab Bando ke Saae me Rakhe aur Inhi ke Zere Saaya Hamara Hashr ho….Aamin.

🔸🔹🔸🔹🔸🔹🔸🔹🔸🔹🔸